Ռուսաստանը զգուշավոր լավատեսությամբ է ողջունում Իրանի և Իսրայելի միջև հրադադարը:
«Եթե իսկապես հնարավոր է եղել հրադադարի հասնել, ապա դա կարելի է միայն ողջունել։ Սա այն է, ինչին Ռուսաստանի Դաշնությունը կոչ է արել այս հակամարտության հենց սկզբից», - ասել է Կրեմլի խոսնակ Դմիտրի Պեսկովը։
Նախօրեին Իրանի արտգործնախարար Աբբաս Արաղչին մեկնել էր Մոսկվա՝ Թեհրանի դաշնակից Ռուսաստանի նախագահի հետ բանակցությունների։
Պուտինը հանդիպումից հետո խոստացել էր օգնել «իրավիճակից դուրս գալու ելքեր գտնելու» հարցում։ Առայժմ, սակայն, չկա որևէ հաղորդագրություն, որ Ռուսաստանը ներգրավված է եղել ԱՄՆ նախագահ Դոնալդ Թրամփի հայտարարած հրադադարին հասնելու դիվանագիտական գործընթացում։