Սերբիայում վեց մարդ է ձերբակալվել՝ պետական հեղաշրջում նախապատրաստելու մեղադրանքով: Քննչական մարմինների տվյալներով՝ ձերբակալվածները պլանավորել էին հարձակվել պաշտոնյաների և ոստիկանների վրա, գրավել կառավարական շենքեր, ռադիո, հեռուստատեսություն: Այս մասին հաղորդվել է Ներքին գործերի նախարարության կայքում:
Ոստիկանությունը չի հրապարակել ձերբակալվածների անունները: Լրատվամիջոցների հաղորդագրությունների համաձայն՝ նրանց թվում են Սերբիայի զինվորական միության նախկին նախագահ Նովիցա Անտիչը, քաղաքական գործիչ Իվան Մատովիչը, պաշտոնաթող կապիտան Բրանկո Մոմչիլովիչը, նախկին սպա Վիդան Կոլյայիչը և նախկին ոստիկան Սրդյան Գայովիչը: Մեկ այլ անձի անունը, որը ներկայացվել է որպես Վ.Կ., անհայտ է:
Politico-ն գրել է, որ 2023 թվականին անանուն արևմտյան հետախուզական ծառայությունը Նովիցա Անտիչին մեղադրել է ԱԴԾ-ի համար աշխատելու մեջ: Հետախուզական ծառայությունների տվյալներով՝ Անտիչը ռուսական ազդեցության գործակալ է:
Հետախուզական փաստաթղթերի համաձայն, Անտիչը հավաքագրվել է «Veteran News» հրատարակության գլխավոր խմբագիր Վյաչեսլավ Կալինինի կողմից։ Հրատարակության կայքում նշվում է, որ խմբագրական խորհուրդը ակտիվորեն համագործակցում է Ռուսաստանի պաշտպանության նախարարության, Ռուսաստանի ներքին գործերի նախարարության, ՌԴ ազգային գվարդիայի հետ, և Կալինինն ինքը պատվավոր դիպլոմ է ստացել Ռուսաստանի նախագահ Վլադիմիր Պուտինից։
