Մի քանի ժամ տևած քննարկումից հետո դատարանը որոշեց բավարարել Քննչական կոմիտեի միջնորդությունը՝ երկու ամսով կալանավորելով Բագրատ արքեպիսկոպոս Գալստանյանին:
Իրավապահները Տավուշի թեմի նախկին առաջնորդին մեղադրում են ահաբեկչության և իշխանության յուրացման հոդվածներով:
Քննչական կոմիտեն պնդում է, թե Գալստանյանի առաջնորդած «Սրբազան պայքարի» շարժման մասնակիցները և ղեկավարները «պլանավորել էին Հայաստանում իրականացնել ահաբեկչական և իշխանությունը զավթելուն ուղղված գործողություններ»: Այդ գործով ևս 15 մեղադրյալ կա:
